mumbai – एका बांधकाम व्यावसायिकावर गोळीबार करण्यात आल्याची घटना घडली आहे. बांधकाम व्यावसायिक कारमध्ये बसलेला असताना गोळीबार करण्यात आला. मुंबईच्या कांदिवली चारकोप परिसरात भरदिवसा विकासकावर गोळीबार करण्यात आला. या घटनेत अज्ञाताकडून विकासकावर 2 ते 3 राऊंड फायर करण्यात आले असून गोळीबारात विकासक गंभीर जखमी झाला आहे.
मिळालेल्या माहितीनुसार, फ्रेंडी दिलीमा भाई असे गोळीबारात गंभीर जखमी झालेल्या व्यावसायिकाचे नाव आहे. कांदिवली चारकोप परिसरात असलेल्या बंदर पाखाडी येथील पेट्रोल पंपासमोर बुधवारी दुपारी ही घटना घडली फ्रेंडी दिलीमा भाई हे कारमध्ये बसलेले होते, त्याचवेळी दोघांनी त्यांच्यावर गोळ्या झाडल्या. दोन-तीन राऊंड फायर करण्यात आले त्यात ते जखमी झाले. त्यांना रुग्णालयात दाखल करण्यात आले आहे.
दरम्यान, घटनेची माहिती मिळताच चारकोप पोलीस घटनास्थळी दाखल झाले असून, पुढील तपास सुरु आहे.
