मुंबई – मुंबई पोलीस दलात ३ हजार कंत्राटी पोलिसांची भरती करण्याचा निर्णय गृह विभागाने घेतला आहे. राज्य सुरक्षा महामंडळामार्फत कंत्राटी पद्धतीने जास्तीत जास्त ११ महिन्यांसाठी ही भरती करण्यात येणार आहे.
मुंबई पोलिसांकडे मनुष्यबळाची तीव्र टंचाई असून, नवीन भरती होईपर्यंत पोलीस आयुक्तांच्या विनंतीवरून गृह विभागाने हा निर्णय घेतला आहे. राज्य सुरक्षा महामंडळांच्या जवानातून मुंबई पोलीस दलात कंत्राटी भरती करण्यात येणार आहे.
