thane – कोकेन अंमली पदार्थ विक्री करताना नायजेरियनसह तिघांना गुन्हे शाखेच्या मालमत्ता गुन्हे कक्षाने अटक करून त्यांच्याकडून १०१.१६ ग्रॅम वजनाचा एकूण १०,१२,०००/- रुपये किंमतीचा कोकेन हस्तगत केला. अझर उर्फ आलम आबीद शेख, उस्मान उर्फ सोनू अब्दुल कादीर शेख आणि ओन्यादीकांची वॉन्को प्राचिओस अशी या तिघांची नावे आहेत.
मिळालेल्या माहितीच्या आधारे पोलिसांनी नविन आरटीओ कार्यालय जवळील, सर्विस रोड, ठाणे पश्चिम या ठिकाणी सापळा रचून अझर उर्फ आलम आबीद शेखला अटक केली त्यानंतर त्याच्याकडून मिळालेल्या माहितीच्या आधारे उस्मान उर्फ सोनू अब्दुल कादीर शेख याला भायखळ्यातून अटक करून त्याच्याकडून मिळालेल्या माहितीच्या आधारे ओन्यादीकांची वॉन्को प्राचिओस या नायजेरीयन इसमास वाशी येथून अटक केली आणि कोकेन हस्तगत केला.
सदरची यशस्वी कामगिरी अमरसिंह जाधव, पोलीस उप आयुक्त (गुन्हे), सहाय्यक पोलीस आयुक्त राजकुमार डोंगरे यांच्या मार्गदर्शनाखाली मालमत्ता गुन्हे कक्ष, गुन्हे शाखा, ठाणे शहर कक्षाचे वरिष्ठ पोलीस निरीक्षक गोरखनाथ घार्गे, सपोनि अविनाश महाजन, सपोउपनि शिवाजी गायकवाड, सपोउनि नगराज रोकडे, पोहवा दिनेश कुंभारे, पोहवा प्रशांत भुर्के, पोहवा जयकर जाधव, पोहवा सुनिल गिरे, पोहवा जितेंद्र वाघमोडे, मपोहवा आशा गोळे, पोअं अशोक पाटील, पोअं महेश सावंत व चापोअं सदन मुळे यांनी केली आहे.
